FACHENDOSOS

Rematamos o curso. Fixémolo bastante ben, aínda que todo é mellorable.

A ansiada visita tivo lugar.

Canto disfrutamos!

Ao igual que no remate desta nova entrega de quinto produccións, sociedade limitada, os profes desexámosvos unhas divertidas vacacións e non esquezades un chisco de traballo diario.

GOZADE DA ENTREGA VISUAL.

BARBANZÁS

Hai moitos anos que os primeiros "BARBANZÁS" ocuparon estes fermosos lugares e agora os alumnos e alumnas de quinto queremos facerlles unha homenaxe.

COMO?

Demostrando que somos respectuosos co seu legado. Recoñecendo a importancia do mesmo, que nos fai ser o que SOMOS:

GALEGOS RESPONSABLES COA NOSA HISTORIA, PASADA E PRESENTE.

E tamén, claro está, DIVERTÍNDONOS, FACENDO AMIGOS.

Unha pequena mostra.

EN GALEGO

EN GALEGO FALO
EN GALEGO SINTO
EN GALEGO CANTO
SABES QUE NON MINTO!

EN GALEGO TODO PODO FACER
EN GALEGO ESTOU NO MUNDO
MEU O MUNDO É!

O BARBANZA

Que imos ver nesta viaxe?

Camiñaremos por onde o fixeron os nosos antergos prehistóricos, veremos restos das súas megalíticas construccións e ... se cadra?

DOLMEN DE AXEITOS

É unha construcción megalítica datada entre o 4.000 e o 3.600 a. C. Anteriores ás pirámides. Está situada no concello de Riveira sendo un dos restos máis significativos en Galicia. Servían para enterramentos, moitas veces colectivos, das persoas importantes dos poboamentos. Cubríanse estas estructuras pétreas con terra.

O CASTRO DE BAROÑA.

Situado no concello de Porto do Son. É un bo exemplo de castro marítimo. Foi habitado entre os séculos I a. C e I d. C. Tiña un foxo e a continuación dúas murallas no istmo. No poboado está a muralla principal cunha entrada moi ben conservada. No interior hai dous barrios. Atopáronse restos de cerámica e de metal.
Nestas fotos, con colegas que agora están en primeiro de ESO, podemos observar as características deste castro tan ben conservado. 
CONFIAMOS EN QUE AS NOVAS XERACIÓNS SEXAN QUEN DE MANTER O NOSO PATRIMONIO CULTURAL E TRANSMITILO NAS MELLORES CONDICIÓNS.